22 красавіка 2023 года прадстаўнік нашай установы адукацыі-  вучаніца 11 класа Цярэнцьева Вераніка - прыняла ўдзел у раённым конкурсе чытальнікаў паэтычных твораў “Зямля пад белымі крыламі”, прысвечаным Міжнароднаму дню Зямлі і Году міру і стварэння. З мэтай развіцця творчых здольнасцей моладзі і навучэнцаў, павышэння цікавасці да гісторыі,  культуры і мастацтва Беларусі, папулярызацыі мастацкага чытання, выхавання патрыятызму, нацыянальнай самасвядомасці і грамадзянскасці арганізатары конкурсу – ДУА “Бібліятэчная сетка Касцюковіцкага раёна” – запрасілі да ўдзелу лепшых чытальнікаў вершаў.

         Прафесійнае журы, у склад якога ўваходзіла і паэтэса Касцюковіцкага раёна Наталля Азаранка, праслухала і ацаніла ўдзельнікаў у трох узроставых намінацыях. Усяго спаборнічала васямнаццаць чытальнікаў. Прагучалі вершы Н. Азаранкі, Н.Вырво, А.Куляшова, П.Панчанкі, К.Цвіркі, прысвечаныя роднаму краю і любові да роднага слова.

         Цярэнцьева Вераніка прадставіла мастацкае чытанне верша К. Цвіркі “Я з той краіны…” Па-мастацку правільна, з высокім акцёрскім выкананнем, эмацыянальна яна прачытала верш. Як вынік, дзяўчына была ўзнагароджана Дыпломам 1 ступені ў сваёй узроставай катэгорыі. Паэтэса Наталля Азаранка пажадала Вераніцы не спыняцца, навучыцца ствараць свае вершы, любіць роднае слова і папулярызаваць яго.