8 снежня ва ўстанове адукацыі “ Мурынборскі вучэбна – педагагічны комплекс яслі – сад - сярэдняя школа Касцюковіцкага раена” з мэтай фарміравання ў вучняў грамадзянскасці і патрыятызму, выхавання нацыянальнай самасвядомасці праз асэнсаванне нацыянальных каштоўнасцей, традыцый была праведзена гульня-віктарына “Наша Беларусь”. У гульні прынялі ўдзел вучні 3-4 класаў, якія падзяліліся на дзве каманды “Васількі” і “Рамонкі”.
У ходзе мерапрыемства вучні выконвалі заданні рознай тэматыкі: “Беларусь гістарычная”, “Славутыя людзі зямлі беларускай”,”З рога ўсяго многа”,”Збяры прыказку”, “Адгадай казку”,”Беларускія загадкі”. Таксама дзеці з задавальненнем чыталі вершы вядомых беларускіх пісьменнікаў, спявалі беларускія народныя песні “Бульба”, “Полька беларуская”.
У выніку пеперамагла каманда “Васількі”. Але гэта не сапсавала настрой вучняў з каманды “Рамонкі”. Дзеці пашырылі свае веды пра гісторыю, культуру, традыцыі і багацці нашай краіны.