28 снежня адбылося святочнае мерапрыемства ў рамках штогадовай Рэспубліканскай дабратворчай акцыі “Нашы дзеці”. На ёй лепшыя вучні, актыўныя ўдзельнікі алімпіяд і конкурсаў паўдзельнічалі ў святочным навагоднім агеньчыку і атрымалі салодкія падарункі.
Ад нашай установы адукацыі на свяце прысутнічалі вучань 5 класа Ляшкевіч Ягор, вучань 7 класа Габрусеў Мікіта і вучань 8 класа Глушакоў Дзмітрый. Хлопцы былі адзначаны ганаровай паездкай за актыўны ўдзел і прызавыя месцы ў конкурсах “Магілёўская скарбонка”, “Родны дом, пяшчотаю сагрэты”, спартыўныя спаборніцтвы.
Святочныя віншаванні і навагоднія падарункі вучням уручыў кіраўнік Касцюковіцкага раённага выканаўчага камітэта А.В.Гарбачэўскі.