Рэспубліка Беларусь – не проста краіна ў цэнтры Еўропы. Наша зямля славіцца тым, што яшчэ ў XVI стагоддзі тут быў створаны першы прававы дакумент нашага грамадства - Статут Вялікага Княства Літоўскага. Сучасная Канстытуцыя Рэспублікі Беларусь была прынята 15 сакавіка 1994 года. Гэта асноўны закон краіны, які рэгулюе ўсе сферы жыццядзейнасці грамадзян.

  У дзяржаўнай установе адукацыі “Мурынборскі вучэбна педагагічны комплекс яслі-сад – сярэдняя школа Касцюковіцкага раёна” з 9 па 14 сакавіка прайшоў Тыдзень, прысвечаны Дню Канстытуцыі Рэспублікі Беларусь. Для 1-11 класаў былі распрацаваны мерапрыемствы, мэтай якіх стала знаёмства вучняў з асноўным дакументам краіны, з гістарычным шляхам набыцця незалежнасці нашай краінай, а таксама з важнасцю Канстытуцыі як аб’ядноўваючай і рэгулюючай сілы грамадства. Вучні 1-4 класаў наведалі інфармацыйныя гадзіны “Канстытуцыя – асноўны закон краіны”, “Закон, якім мы кіруемся ў жыцці”, “Мы – грамадзяне сваёй краіны”.

 Вучні 5-7 класаў прынялі актыўны ўдзел і паказалі добрыя веды ў віктарыне “Я – грамадзяніні Рэспублікі Беларусь”. Віктарына праводзілася з мэтай выхавання ў вучняў павагі да галоўнага дакумента, яго асноўных палажэнняў. Для вучняў старэйшых класаў быў арганізаваны конкурс на лепшы відэаролік “Пасябруй са сваімі правамі”. У арыгінальных прадстаўленнях прагучала павага да Канстытуцыі, разуменне значнасці дакумента

.

 Увесь тыдзень ва ўстанове адукацыі працавала выстава “ Мая Радзіма - Беларусь”, прысвечаная Дню Канстытуцыі Рэспублікі Беларусь. На выстаўцы дэманстравалася літаратура з інфармацыяй аб гісторыі з’яўлення і складзе нашай Канстытуцыі. Вучні таксама мелі магчымасць пазнаёміцца з кнігамі экспазіцыі пра дзейсную функцыю галоўнага закона нашай Радзімы.