Вайна… Страшнае слова. Вайна прыносіць боль, страты і пакуты. Амаль дзесяць гадоў доўжылася яна ў Афганістане. 15 лютага 1989 года – дзень вываду савецкіх войскаў з Афганістана. З гэтай нагоды сіламі навучэнцаў нашай школы пад кіраўніцтвам Прохаравай І. В. была арганізавана выстава “Время выбрало нас…”. 13 лютага прайшла вечарына пад дэвізам “Ім доўга яшчэ будзе сніцца кашмарнае пекла вайны…”. Дапамагалі ў правядзенні мерапрыемства Астапенка Аліна і Барысенка Марыя. Вучні 6-7 класаў з цікавасцю пазнаёміліся з біяграфіямі удзельнікаў той незабыўнай вайны, якім не давялося вярнуцца дамоў жывымі, паслухалі ўспаміны воінаў-інтэрнацыяналістаў, прайшоўшых суровыя вёрсты вайны.
