Свята першага званка

1 верасня ў школу зноў званок паклікаў хлопчыкаў і дзяўчынак.

Наш Мурынборскі ВПК яслі-сад – сярэдняя школа сардэчна расчыніў дзверы вучням. Вучнёўскі склад папоўнілі тры вучаніцы з Забычанскага ВПК – Вострыкава В., Жаўлакова Я., Ягоранка В. Яны будуць вучыцца ў 10 класе.

Апранутыя ў прыгожую школьную форму, стаялі выпускнікі. Сёлета адзінаццацікласнікаў 11. Яны са шчымлівым замілаваннем сачылі за прывітальнымі словамі дырэктара Піпчанкі Я. І. Яна пажадала ў новым навучальным годзе поспехаў вучням у вучобе, актыўнасці ў школьным жыцці.

На лінейцы прысутнічалі і ганаровыя госці. Гэта Дадалева В.Л., кіраўнік Забычанскага сельскага савета,і Мамчанка І.В. – намеснік кіраўніка БЦЗ па ідэалагічнай рабоце. У сваіх выступленнях і віншаваннях яны закранулі тэму моладзі. У Год моладзі яны пажадалі вучням здзяйснення мар і амбіцый, творчага плёну. Мамчанка І.В. уручыла першакласнікам памятныя падарункі – кнігі “Мая Радзіма – Беларусь”.

Напрыканцы свята прагучаў гімн Рэспублікі Беларусь і быў урачыста узняты сцяг. Ганаровае званне ўзняць сцяг было даручана лепшым вучням. Імі сталі вучаніца 11 класа Саўчанка Яўгенія і вучань 9 класа Макееў Аляксандр.

Пасля лінейкі вучні адарылі настаўнікаў і гасцей кветкамі. Вучні і іх бацькі былі запрошаны на першы ўрок, які ў гэтым годзе праходзіў па тэме “На цябе, наша моладзь, надзея”

Сапраўды, свята 1 верасня, якое падрыхтавала настаўніца Аляксеева А.Л., адбылося. Цікавых урокаў і творчых поспехаў хочацца пажадаць усім удзельнікам навучальнага працэсу!